Fatboy hlaut nafn sitt af ástæðu enda er hér á ferðinni einn sá vígalegasti á markaðinum og er skráður fyrir 64 byssum. Skápurinn er eldtefjandi í 75 mínútur í 650°C. og er útbúinn 12 lásflipum/kóflum sem eru 6 mm á þykkt.

Byssuskápurinn kemur útbúinn „dual flex“ hillukerfi þar sem hægt er að raða lengri byssum í vinstri og hægri hólf eða hillur í annað hvort þeirra. Hægt er að stilla hæð hillanna á auðveldan máta. Fatboy er fáanlegur með talnalás eða baklýstum raflás og er hægt að velja úr fjórum mismunandi litum á skápnum.

Fatboy er mjög voldugur skápur og myndi taka sig vel út hvort sem hann er inn í stofu, í bílskúrnum eða í bókaherberginu.

Munurinn milli Fatboy og Fatboy Extreme er sá að Extreme er útbúinn tveimur innri veggjum sem gerir skápinn þrískiptan fyrir haglabyssur og riffla.